e-ikastaroak webgunean moodle plataforma ezarri dugu eta gure asmoa urte amaierarako hainbat ikastaro antolatzea da, betiere euskalduntzearen (EGAtik goragoko mailak) eta itzulpengintzaren ingurukoak: zuzenketa, ortotipografia, HEetarako idazketa euskara planak, memoriak, eta abar. Lehen urratsa hitanoko online ikastaroa izango da.  Urtarrilaren 16an hasiko da, eta 40 ordukoa izango da, 14 astetan banatua. Ritxi Lizartza zuzendariak eta Eneko Haritza irakasleak gaur aurkeztu dute, Donostiako Udal Liburutegian.

Hitanoko ikastaroa Mintza hadi lagun! ikasliburuan oinarrituta dago, eta liburuko ariketak eta berariaz sortutako beste batzuk txertatu ditugu. Horrez gain, tutorearekin mintza-saioak ere egingo dira Skype bidez.

Izena emateko azken eguna urtarrilaren 13a da, eta horretarako, www.maluta.eu webguneko «Ikastaroak» atalean sartu beharra dago.

Bestalde, ikastaroa jada egina duenarentzat, Skype bidezko mintzapraktika saioak ere eskainiko ditugu; ordubeteko 10 saio, hain zuzen ere.

Gurekin zuzenean harremanetan jartzeko, hona datuak:

Eneko Haritza
maramara* taldea
Tel.: 943 504 206
info@hitanoa.com

maramara* taldeak hitanoko online ikastaroei buruzko prentsaurrekoa
emango du bihar, urtarrilak 10, Donostiako Udal Liburutegiko
Mandasko Dukea aretoan, 11:00etan. Ritxi Lizartza zuzendariak eta
Eneko Haritza irakasleak, xehetasunak emateaz gain, plataformak nola
funtzionatzen duen zuzenean erakutsiko dute. Online ikastaroa
urtarrilaren 16an hasiko da (datorren astelehena), eta 40 ordukoa
izango da, 14 astetan banatua.
e-ikastaroak webgunean moodle plataforma ezarri dugu eta gure asmoa
urte amaierarako hainbat ikastaro antolatzea da, betiere euskalduntzearen
(EGAtik goragoko mailak) eta itzulpengintzaren ingurukoak: zuzenketa,
ortotipografia, HEetarako idazketa euskara planak, memoriak, eta abar.
Bihar aurkeztuko dugun ikastaroa Hitanoa. Mintza hadi lagun! ikasliburuan
oinarrituta dago, eta liburuko ariketak eta berariaz sortutako beste batzuk
txertatu ditugu. Horrez gain, tutorearekin mintza-saioak ere egingo dira
Skype bidez.
Izena emateko azken eguna ostirala izango da (urtarrilak 13), eta
horretarako, www.maluta.eu webguneko «Ikastaroak» atalean sartu
beharra dago.
Bestalde, ikastaroa jada egina duenarentzat, Skype bidezko
mintzapraktika saioak ere eskainiko ditugu; ordubeteko 10 saio, hain
zuzen ere.
Gurekin zuzenean harremanetan jartzeko, hona datuak:
Eneko Haritza
maramara* taldea
Tel.: 943 504 206
info@hitanoa.com

maramara* taldea-k atsegin handiz jakinarazten dizu Kontaxeko Espainiako eta Andorrako itzulpen zerbitzuaren hornitzaile esklusiboa izango dela. Kontax (www.kontax.com) prentsa-oharren zerbitzu globala da, eta albisteak zein informazioa hizkuntza askotan hedatzen espezializatuta dago.
Itzulpengintzan eta, oro har, hizkuntzen inguruko zientzietan esperientzia handia duten profesionalek osatzen dute maramara* taldea. Itzultzaile, zuzentzaile, interpretari eta filologo taldearen osagarri, kazetariak eta arloz arloko espezialistak ditugu, eta gure barruko zein kanpoko sareari esker, bezeroak eskatzen digun edozer hizkuntza-konbinaziotan egin ditzakegu itzulpenak, zuzenketak eta interpretazio-lanak, edozer euskarritan (digitala, audioa, bideoa), edozer formatutan eta epe laburrean. Azken finean, komunikazioa erraztea da gure lanaren ardatza, eta aipatutako guztia kontuan hartuta, maramara* Kontaxeko hornitzaile izateko enpresa guztiz egokia dela uste dugu.
Ritxi Lizartza, maramara*-ko zuzendaria: «Kontaxek informazioa mundu osoan hamaika hizkuntzatan hedatzeko eta txoko guztietako erabiltzaileak erakartzeko potentzial izugarria dauka, eta gainera, sare sozialekin lotura estua izango du. maramara*-ren ikuspegitik, Kontaxeko hornitzaile izatea merkatu berriak ezagutzeko eta bere esperientzia aberasteko aukera bikaina da».
Kontax-ek bere zerbitzuak 160 herrialde baino gehiagotan, eta herrialde horietako hizkuntzetan, ematen ditu, bezeroek (enpresariak, erakundeak…) multimedia hedabideetan nahi adina komunikatu doan argitara ditzaten, nahi duten hizkuntzan. Gainera, komunikatuak beste edozer hizkuntzetara itzultzeko aukera ere badago.

Erabiltzaileek harreman zuzena izango dute Kontax-ekin elkartutako herrialde bakoitzeko itzulpen enpresekin, eta hauek komunikatuen itzulpen hobezina bermatuko dute, kostuei eta kalitateari dagokienez. Itzulpen enpresa gehienek, maramara* taldeak bezala, ISO 9001 kalitate ziurtagiria edo horren baliokideren bat dute, eta EN 15038 kalitate prozedurak aplikatzen dituzte.

Kontax-ek prentsa komunikatuak mundu osoko kazetariei eta hedabideei helarazten die, eta herrialde guztietako bilaketa tresnetarako optimizatu da. Horregatik, Kontax-eko erabiltzaileek produktuak sustatu, bezeroak eskaini, bazkideak bilatu eta merkatuaren jarraipena egin dezakete mundu osoan.

Harremanetarako:
Sabrina Mizobe Rosa
Merkataritza arduraduna
sabrina@maramara.net
Tel: (00 34) 943 504 206
maramara* taldea
www.maramara.net

Maramara*taldea Donostiako Zinemaldiko hizkuntza-zerbitzuetako hornitzailea da 2008tik. Filmen katalogoa, berriak, memoriak eta beste hainbat materialen hizkuntza ardura daukagu. Asebetetzen gaitu Zinemaldiak gure lanean jarrita daukan konfiantza eta harreman honek dakarren ardura mailari pozik helduko diogu aurten ere. Izan ere, gure hiriko kultura jarduerarekin konprometituta gaude, eta, beraz, ilusioz jardungo dugu ahalik eta kalitaterik onena ematen. Jose Luis Rebordinos zuzendari berriaren lehendabiziko edizioa da aurtengoa eta zorterik onena opa diogu.

Maramara*taldea Donostiako Zinemaldiko hizkuntza-zerbitzuetako hornitzailea da

Donostia Zinemaldiak Bi Tanta agentziaren proposamenak aukeratu ditu 59. edizioko sail
nagusietako kartelak sortzeko. Hala, Sail Ofizialekoa ametsezko bidaiak eta mundu osoko
jendearen arteko topaketa adierazten dituen maleta bat izango da. Zabaltegikoa, berriz,
ikuspegi berriak eskaintzen dituen profil ezagun bat; eta, Horizontes Latinosekoa, gure
aurrean sortzen ari den mundu berri baten begirada indartsua. Bi tantako diseinatzaile
Yoana Figuerasek sortu ditu irudiak, eta Donostiako Zientziaren Kutxagunean aurkeztu
dituzte, gaur goizean.

Aurten, Donostia Zinemaldiak kartel lehiaketa antolatzen duen lehen aldia da. Lehiaketa
mundu osoko diseinatzaile grafikoei irekita zegoen, eta aurkeztu diren 60
proposamenetatik Yoana Figuerasenak irabazi du. Dena den, Yoanak eta Bi tantak
dagoeneko beste kartel lehiaketa batzuk ere irabazi dituzte, adibidez: Donostiako 2010eko
Euskal Jaietakoa.

Bultzada honen laguntzaz, tantaz tanta jarraituko dute diseinu eta komunikazio alorreko
lanak egiten. Horien berri izan nahi baduzu, jar zaitez gurekin harremanetan, 943 504 206
telefonora deituz, edo info@bitanta.com helbide elektronikora idatziz.

Baionako Merkataritza Ganberak eta Gipuzkoako Merkataritza Ganberak mugaz bi aldeko enpresen arteko lankidetza eta elkarlana sustatzeko asmoz sortu duten Bihartean foroak martxoaren 15ean enpresen arteko topaketa eguna antolatu du Baionako Merkataritza Ganberan. Maramara*taldea bertan izan da, bere zerbitzuen katalogoa aurkezten, eta bilera franko egin du hainbat enpresa eta erakunderekin, lotura komertzialak indartzeko. Emaitza oso positiboa izan da eta aurrerantzean ere parte hartuko dugu Bihartean-ek antolatzen dituen foroetan.

http://www.kazeta.info/euskalherria/ipar-euskal-herria-eta-gipuzkoako-enpresa-kudeatzaileen-arteko-topaketa-baionan-bihartean-ganberaren-babespean

Enpresa zein erakunde batean euskararen presentzia, erabilera eta kudeaketa egiaztatzen duen ziurtagiria jaso du maramara* taldeak. Euskalitek Kalitaterako Euskal Fundazioak eta Hizkuntza Politikarako Sailburuordetzak elkarlanean sorturiko agiria jaso ahal izateko erakundeen komunikazioa zein irudi korporatiboa, kanpo zein barne harremanak eta hizkuntza kudeaketa kontuan hartzen dituen ebaluazio prozesua gainditu du maramara* taldeak.

ISO 9001:2008 eta UNE-EN-15038:2006 ziurtagiriez gain, Bikain ziurtagiria era jaso du aurten maramara* taldeak, eskaintzen duen zerbitzua integrala eta kalitatezkoa dela frogatuz.

Aurten ere maramara* taldea aukeratu du Donostia Zinemaldiak aurreko edizioetan enpresako itzultzaileek eginiko lan bikainaren ondorioz. Hala, Donostia Zinemaldiko eskuliburuak euskaratzeaz arduratu da; hots, egunez eguneko emanaldien xehetasunak jasotzen dituzten gidak, atzera begirako sailaren protagonista izango den Don Siegel zuzendariari eskainitako monografikoa eta filmen katalogoa. Nerea Galarza lankidea, gainera, Donostia Zinemaldiaren bulegoetan bertan ari da maramara* taldearen izenean, irailaren 17tik 25era bitarteko egunetan egingo den zinema jaialdiaren argitalpen eta albisteetako euskarazko edukiak atontzen.

Urtero irailaren lehendabiziko bi asteburuen artean ospatu ohi diren Donostiako Euskal Jaiak iragarriko dituen kartela erabakitze aldera antolaturiko lehiaketa irabazi du maramara* taldeko Bi tanta diseinatzaile taldeak.

Yoana Figueras diseinatzaileak jai-egun bakoitzari euskal kulturaren erakusgarri den irudi bat eman dio, egitarauko ekitaldiak eta festa giro alaia egokiro islatuta, eta oso antzinako ohiturak gaur-gaurko ikuspegiaz itxuratuta.

Egindako lan bikainaren fruitua da lehiaketa irabazi izana, eta, ziur aski, gerora etorriko diren sari gehiagoren hazi, Bi tantak aurrera darraielako, tantaz tanta, diseinu eta komunikazio alorreko hainbat lan ontzen.

maramara* taldeak eta HABEk (Helduen Alfabetatze eta Berreuskalduntzerako Erakundea) hitanoari buruzko udako ale berezi bat kaleratu dute, euskara ikasten ari direnei hika egiten laguntzeko. Liburuxka maramara* taldeko zuzendari Ritxi Lizartzak idatzi duen Mintza hadi lagun! liburuan oinarrituta dago, eta azalpenez, elkarrizketez, ariketez eta erantzunez osatuta.

Ale bereziak bi helburu ditu: batetik, ikasleei hika egiten dutenen jarduna ulertzen laguntzea; eta, bestetik, beraiek hika egiten saiatzera bultzatzea.

HABEk udan, urtero, ale berezia kaleratu ohi du eta, aurtengoa, hitanoari buruzkoa da, esan bezala. Irakurterraza eta praktikoa. Gainera, oso arina denez, edonora eraman daiteke.

PDF formatuan jaits dezakezu